ათათურქის აეროპორტზე თავდასხმაში მონაწილე ორი თვითმკვლელი ტერორისტი იდენტიფიცირებულია

0c2f4cac425dfa25e5ad8e3add9d3e02სტამბოლის ათათურქის სახელობის საერთაშორისო აეროპორტზე თავდასხმაში მონაწილე ორი თვითმკვლელი ტერორისტი იდენტიფიცირებულია. ამის შესახებ ინფორმაციას ყირგიზეთის საგარეო საქმეთა სამინისტრო ავრცელებს.

უწყების ცნობით, სტამბოლში ყირგიზეთის გენერალურმა საკონსულომ მიიღო ინფორმაცია, რომლის თანახმად, ორ თავდამსხმელს ჰქონდა რუსეთის ფედერაციის პასპორტები რაქიმ ბულგაროვისა და ვადიმ ოსმანოვის სახელზე.

მანამდე მედია ავრცელებდა ინფორმაციას, რომ თვითმკვლელები რუსეთის, უზბეკეთისა და ყირგიზეთის მოქალაქეები იყვნენ.

სტამბოლში მომხდარ ტერაქტს 40-ზე მეტი ადამიანი ემსხვერპლა. თურქეთის პრემიერ-მინისტრის ბინალი ილდირიმის განცხადებით, თვითმკვლელი ტერორისტები სავარაუდოდ, დაჯგუფება „ისლამური სახელმწიფოს“ წევრები იყვნენ.

მეტი:

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *