ჟურნალმა “ფორბსმა” 2016 წლის ყველაზე მაღალანაზღაურებადი მომღერალი ქალები გამოავლინა. სიის სათავეში 26 წლის პოპ-ვარსკვლავი, ტეილორ სვიფტია, რომელმაც მიმდინარე წელს 170 მილიონი დოლარი გამოიმუშავა. მოგების მნიშვნელოვანი ნაწილი მან საკონცერტო ტურისგან მიიღო. გარდა ამისა, ტეილორ სვიფტი ცნობილი ბრენდების სარეკლამო კამპანიებში მონაწილეობდა.

მეორე ადგილზე 28 წლის ბრიტანელი მომღერალი ადელი გავიდა,რომელმაც წელს 80,5 მილიონი დოლარი გამოიმუშავა. სიის მესამე ადგილი 58 წლის მადონამ დაიკავა. მისმა შემოსავალმა 2016 წელს 76, 5 მილიონი დოლარი შეადგინა.

მეოთხე ადგილი რიანამ მოიპოვა, მეხუთეზე კი ბიონსე გავიდა. ყველაზე მაღალანაზღაურებადი მომღერლების ათეულში აღმოჩნდნენ ასევე კეტი პერი, ჯენიფერ ლოპესი, ბრიტნი სპირსი, შანაია ტვეინი და სელინ დიონი.