20 მარტს საქართველოში ტემპერატურა +28 გრადუსამდე აიწევს
გარემოს ეროვნული სააგენტოს ინფორმაციით, 20 მარტს საქართველოში შენარჩუნებული იქნება თბილი და უნალექო ამინდი.
ჰაერის ტემპერატურა დასავლეთ საქართველოს დაბლობში +23, +28, აღმოსავლეთ საქართველოს ბარში +20, +25, დედაქალაქში +22, +24 გრადუსის ფარგლებშია მოსალოდნელი.
დათბება მთიან და მაღალმთიან რეგიონებშიც. დღის საათებში ტემპერატურა მთაში +18, +23, მაღალმთაში +13, +18 გრადუსამდე მოიმატებს.