პრემიერ-მინისტრობის კანდიდატი, მამუკა ბახტაძე საპარლამენტო უმრავლესობის წევრებს ხვდება. დეპუტატები პარტია „ქართული ოცნების“ ოფისში შეიკრიბნენ. შეხვედრაზე მამუკა ბახტაძესა და საპარლამენტო უმრავლესობას შორის საუბარი მინისტრთა კაბინეტის შემადგენლობასა და სამინისტროების გაერთიანების საკითხს შეეხება.

საპარლამენტო უმრავლესობის ერთ-ერთი წევრის, ზაზა გაბუნიას განცხადებით, მცირე მთავრობის კონცეფციის შესახებ, რაზეც მამუკა ბახტაძემ გუშინ ისაუბრა, საზოგადოება უახლოეს პერიოდში შეიტყობს.

„მცირე მთავრობის კონცეფცია არსებობს და რას გულისხმობს ეს კონცეფცია, ამას საზოგადოება ძალიან მალე შეიტყობს. ბევრია განსახილველი და გადასაჭრელი საკითხი და ბუნებრივია, რომ დღეს არის შეხვედრა“,- განაცხადა ზაზა გაბუნიამ.

საპარლამენტო უმრავლესობის წევრის, ზაქარია ქუცნაშვილის ინფორმაციით, პრემიერ-მინისტრობის კანდიდატთან შეხვედრაზე საუბარი მთავრობის ფორმირებაზე იქნება.